സിഡ്നിയില്‍ താമസിക്കുന്ന സുഹൃത്ത് മീനയോട് ഞാന്‍ ചോദിച്ചു 'കുഞ്ഞേ കല്യാണം കഴിക്കണ്ടേ ?' 'ഓ, എന്തിനാ വെറുതെ മേനക്കെടുന്നേ ? ഞാന്‍ ഇവിടെ ഹാപ്പിലി സിംഗിള്‍ ആയി കഴിഞ്ഞോട്ടെ . മൂന്നു പേരെ പ്രണയിച്ചു . തമാശയല്ലെന്നേ. കല്യാണം കഴിക്കണം എന്ന് ആഗ്രഹിച്ചാണ് ഓരോ ബന്ധവും തുടങ്ങുന്നത് . പക്ഷെ ഒന്നും എങ്ങും എത്തിയില്ല . കുറെ നാള്‍ സങ്കടം ഒക്കെ തോന്നിയിരുന്നു . ഇപ്പൊ എല്ലാം മാറി .സന്തോഷം...സമാധാനം !'
ഞാന്‍ ചെറുതായി ഒന്ന് ഞെട്ടി . മലയാളിയല്ലേ , ഞെട്ടാതിരിക്കാന്‍ പറ്റുമോ ? ഒന്ന് കൂടി ആലോചിച്ചപ്പോ , മീന പറഞ്ഞതല്ലേ ശരി ? അല്ലെങ്കില്‍ അതിലും എന്തോ ഒരു ശരിയില്ലേ ?
ബന്ധങ്ങളുടെ തകര്‍ച്ചയിലൂടെ മിക്കവാറും എല്ലാ മനുഷ്യരും ജീവിതത്തില്‍ ഒരിക്കല്‍ അല്ലെങ്കില്‍ മറ്റൊരിക്കല്‍ കടന്നു പോയിട്ടുണ്ടാവും. ചിലര്‍ തകര്‍ക്കുന്നു , മറ്റു ചിലര്‍ തകരുന്നു . അങ്ങനെ വലിയ ഒരു തകര്‍ച്ചയില്‍ നിന്ന് കര കയറിയിട്ടെയുള്ളൂ ഈ ഞാന്‍. അപ്പോഴും ചിലര്‍ കര കയറുന്നു , മറ്റു ചിലര്‍ കയത്തില്‍ വീണു മരിക്കുന്നു.
ഓരോ പ്രാവശ്യവും അങ്ങനെ ഒരു അവസ്ഥയിലൂടെ കടന്നു പോവുമ്പോ , അതില്‍ നിന്ന് ഒരു പാഠം പഠിക്കാന്‍ നമ്മള്‍ ശ്രദ്ധിക്കണം. ഇത് പറയുമ്പോഴും എനിക്കറിയാം അങ്ങനെ പഠിക്കേണ്ടി വരുന്നത് ഗതികേടാണ് , എന്നിട്ടും എനിക്ക് അത് കഴിഞ്ഞു , ഞാന്‍ മുന്നോട്ടു പോയി. ദൈവമേ ...ദൈവമേ...
തകര്‍ന്നതിന്‍റെ സങ്കടത്തിലും തകര്‍ത്തതിന്‍റെ കുറ്റബോധത്തിലും നിന്ന് രക്ഷപെടാന്‍ കഴിയാത്ത ഒരുപാട് പേരുണ്ട് . പക്ഷെ നിങ്ങള്‍ക്ക് വേറെ വഴിയില്ലായിരുന്നു . ആ ബന്ധത്തില്‍ നിങ്ങള്‍ക്ക് സന്തോഷം ഇല്ലായിരുന്നു. പ്രതീക്ഷ നല്‍കുന്ന ഒന്നുമില്ലായിരുന്നു . നിങ്ങള്‍ അത് അവസാനിപ്പിച്ചു . അത് ഒരു നല്ല വഴി . ഒരു പക്ഷെ നിങ്ങള്‍ അത്ര നല്ലതല്ലാത്ത മറ്റൊരു വഴിയാവും തെരഞ്ഞെടുത്തത് . നിങ്ങള്‍ ഒന്നും ചെയ്തില്ല , ഞാന്‍ ആണ് ഉത്തരവാദി എന്ന് സമ്മതിക്കാനുള്ള ധൈര്യം അല്ലെങ്കില്‍ നല്ല മനസ് നിങ്ങള്‍ക്ക് ഇല്ലായിരുന്നു . അപ്പൊ നിങ്ങള്‍ എന്ത് ചെയ്തു ? മറ്റെയാള്‍ ക്ഷമയുടെ നെല്ലിപ്പലക ചവിട്ടിപ്പോട്ടിച്ചു വിട്ടു പോവാനുള്ള കാരണങ്ങള്‍ സൂത്രശാലിയായ നിങ്ങള്‍ ഉണ്ടാക്കി . സത്യം പറയട്ടെ , എന്‍റെ അഭിപ്രായത്തില്‍ അത് ശരിയല്ല . ഓ ! എന്‍റെ അഭിപ്രായം നിങ്ങള്‍ ചോദിച്ചില്ല , അല്ലേ ?
അതെന്തു തന്നെ ആയാലും , നിങ്ങളെ വേണ്ടാത്ത അല്ലെങ്കില്‍ നിങ്ങള്‍ക്ക് വേണ്ടാത്ത ഒരു ബന്ധത്തില്‍ നിന്ന് പുറത്തു വരുന്നത് ഒരു നല്ല കാര്യം അല്ലേ ? ഒന്ന് നിവര്‍ന്നു നില്‍ക്കൂ , എന്നിട്ട് ജീവിതത്തിലേക്ക് ഒന്ന് തിരിഞ്ഞു നോക്കൂ . സ്വയം ഒരു പക്വത അനുഭവപ്പെടുന്നില്ലേ ? അത് തന്നെയാണ് ഞാന്‍ പറഞ്ഞത് ! എല്ലാ ബന്ധങ്ങളും തുടങ്ങുകയും അവസാനിക്കുകയും ചെയ്യും , ഇന്നല്ലെങ്കില്‍ നാളെ . തീര്‍ച്ചയായും മുറിവുകളും വേദനയും ഉണ്ടാവും അതോടൊപ്പം . എന്നാലും അതില്‍ നിന്നെല്ലാം ഉയിര്‍ത്തെഴുന്നേറ്റു ഭാവിയിലേക്ക് നടന്നു പോകുന്ന നിങ്ങളെ ഒന്ന് സങ്കല്പിച്ചു നോക്കു. ജീവിതത്തില്‍ നമുക്ക് ഒഴിവാക്കാന്‍ കഴിയാത്ത ഒരേ ഒരു കാര്യം മരണം ആണ് . മറ്റെല്ലാം നമുക്ക് മറികടക്കാം .
Every begining has an End and every End has a begining. That's life.
ReplyDeleteAh.. Sydneyil ithu pole happy single aayi kazhiyunna oraale enikkariyaam.. avalkku 3 pranayam undaayirunno ennariyilla.. onnundaayirunnu.. chekkan kettippoyi...
ReplyDeleteabhipraayam.. ellaavarum ellaa tharathilulla vikaarangalum manassilaakki thanne varanam.. ennittu kai varunnathalle ee pakwatha? so lets face everything. from the wrong decisions we get experience. alle?